الـكائن الـمصري

الـكائن الـمصري هـو الـكائن اللى بيعيش و يتعايش مع لبس الخوازيق يعنى بمعنى أصـح يـخلص من خازوق يلبس في خازوق تانى غيره . و طبعا ما أكتر الخوازيق في حياتنا منهم خازوق الرئاسة و خازوق الدستور و غيرو و غيرو .... إالخ .

بس الـحقيقة بـقا اللى مـحدش يعرفها لـحد دلوقتى أنه ظهر تعريف تانى للـكائن المصري و هو :

هو الـكائن اللى بتسيل دمه في اي حته في بلاده يعنى على قضيب سكة حديد شغال ميضرش و على الحدود وماله اهو بنقلل الكثافة السكانية و حوادث الاسفلت يعنى كل شغال و في الميدان هما ايه اللى نزلهم اصلا .

العجيب بقا أنه مع كل شوية دم بيسيلو حكومتنا تقول هييييييييييييييييييييييييييييه يا دين النبي خدى مكافأة وفاة ابنك يا ست .

طبعا كلنا فاكرين الناس اللى توفت على الحدود اخبار التحقيقات ايه ؟؟؟؟ هسسسسسسسسسسسسسس متجبش سيرة ماما اسرائيل هتضربنا.

طيب الاطفال اللى ماتت فى حادثة قطار اسيوط عملتوا فيها ايـه ؟؟؟؟ أسكت مش احنا صرفنا مكافأة لـكل أم فقدت أبنها 5 الاف جنية و أقولك الكبيرة بقا حولنا اوراق محول المزلقان للـمحكمة الجنـــائية .. يعنى محول المزلقان هو اللى لبس الموضوع ؟؟؟ طيب بتاع هيئة السكك حولناه شئون اداريه .. و وزير النقل ؟؟؟ أنت بتقول ايه استغفر الله اقدم استقالته واحنا رفضناه يا معلم بيس كدة ؟؟؟ ألـــــــــبس.

أمبارح بقا حصلت حادثة قطار تانيه قطار حربي لبس ف قطر بضاعة سيبك من اسباب الحادثه ركز بقا ف التبرير .. اللى يقولك دى مؤامرة من المعارضة !!! نعم ياخويا... واللى يقولك ده فساد سنين فاتت !!طب وانت بتعمل ايه ؟؟؟ مش مسئول عن الارواح دى .. الكبيرة بقا صرف 20 الف جنية لكل متوفي و قولنا عليهم خير شباب مصر و مفروض امهاتم تقول ايه ؟؟؟ إن شاء الله و الف مبروك و لولولولولولى كسبنا الصلاة على النبي. في ايـــــــه يـا حـكومة أنتى مش سامعة غير الصوت اللى في المقطم فوووقى بقا 25 يناير جاى و لسه معرفتوش ايه هو تعريف الكائن المصري بالنسبة للثوار طب اسألووهم هيقولولكم متتكسفوووش ولا اقوله أنا طيب ركزى معايا يا حكومة اصله تعريف طول شوية و افهميه قبل ما تحفظيه متبقيش زى تعليمنا .

تـعريف الـكائن المصري :

هو الـكائن اللى حقه في وطنه مهدور و بيحاول ميعيش الدور و كل يوم في الساقية يدور مستنى لحظة لقد اصابك الدور . هو الـكائن اللى بيحلم يجيب حق ثورته المهضوم .هو الـكائن اللى نفسه في لقمة عيش تكفيه و تكفي عياله و تعليم مجانى و جودة عاليه و صحة كويس و يتعالج بالمجان و نضافة تكون مية مية مش زى الزبالة اللى في الطلبية ... اقول ولا كفاية كدة !!! يــارب تكونو فــهمتوا بس مــظنش لأنكم خرفان تحفظووو بس أحب اقوولكم كلمة واحدة بس و هى 

توت توت أنا قطـــــر الموت
توت توت ع المصري بفوت
توت توت بدهــس وبشوط
توت توت ولا حـد يحوشــني
توت توت ده الدم واحشـني
توت توت والبركة ف مُرسـي
توت توت مشغول بالكُرسي
توت توت وخيبتكو قويــة
توت توت مصر دي فقرية
توت توت الجهل ماليهـــا
توت توت والغبا ف عنيها
توت توت وتعصب أعمــي
توت توت وبقينا ف أزمــة
توت توت والأخوانجيـــــة
توت توت أكبر حراميـــــة
توت توت وشيوخ كدابــــــــــة
توت توت دي لصوص وعصابة
توت توت ارحموا اهالينــا
توت توت شايلين الطينة
توت توت ورغيف العيــــش
توت توت إختفي وما فيش
توت توت أنا عقلـــي إحتــار
توت توت أويمكن طـــــــــــار
توت توت وعدونا بالنهضـــــة
توت توت طب موت يا حمار
توت توت انا قطـــــر المــــــــوت
مستي أفوت وأدهس وأشــوط
وبأعلي الصوت بصرخ توت توت

 و عجبي

أحـبــــــــــــــك

غادرتنى حبيبتى و تركتنى وحيـداً و لـم يكن لي ذنب .غادرتنى و ذهبت الى بلد يحتار فيها المفكرون . بـلدٌ ينعدم بها الاحساس و المشاعـر . بـلدٌ يصبح فيها الدم منعدم و الفتور لها عنوان . بـلدٌ لا يعرف الشوق لها دربَ و الحب مسلكَ. فـبحـثـتُ عنها في كل بـقـعة كى أجدها و أسألها لما تـركتينى ؟؟؟ و حـين أسـتـيقظت من نـومى مـفـزوعاً ألـتـفـت حولى فـي ذهـول رهـيـب و عـيناي تـبـحث  عن مـحـبوبتى . و فجأة رن هاتفي و كان المتصل حبيبتى .

فـسألتها لـقد حـلمت أنـك هجرتنى ؟؟ .. فأجابـت : كيف لي أن أهجرك و أنت الحبيب ♥ كيف لي أن أتـركك و أنت الـحنون . فـأحمر وجهي خجلا و أجبتها : وجـودك في حياتى أخـجل أن أتمنى شيـئا آخر ♥

سأظـل أناديـكي حبـيـبـتى حتى يـنام صوتى إلى الأبد فـلا تـسألينى عن أحـساسي بـعـد فـراقـك فـهل للـرمـاد أحـساس بـعـد الأحـتراق فـإن أكـثـر الأمـاكن دفـئـاً عـنـد شـدة البـرد هـو قـلبـك يـا درة عـيـنى و أكـثر الأمـاكن حـنـيةً عـنـد قـسـوة الدنيا هو حـضنـك يـا عـطـرٌ فـي السـماء فـائح . فاجابتنى فى خـجلا : أحبك و دقـات قـلبي تـذوب في حـبك  و شـهـيقى و زفـيري يـعـشـق نـفـسك عـندما يـقترب وجـهك من وجـهى فـأنـت حـكاية عـمرى الـتـى لا اريدها أن تـنـتهى ........ و أنـتـهت الـمكالمـة حـين قـال أحـبك و أحـب من يـحـبك ♥

مــصــري

المصرى اصله غـلبان والهم غالبه وكـسبان ومن حكومته طهقان. فينا دكتور موظف فلاح صنايعي مهندس كله فى الشقا هلكان لكن تلاقيه حامد شاكر ربه يطلب منه العفو والغفران.

نيجى للدكتور طلع عينه في التعليم التقليدى حفظ و دح و صم مفيش فهم الا قليل. دكتور في عيادته مستنى مريض يكشف عليه يديله دواه يعالجه و يشيفه باذن ربه يحميه . ده دكتور مصري هلكان. اما الموظف الدنيا غدرت بيه في تعليمه بس حمد ربه و كمل حياته لقي وظيفه حكوميه اشتغل فيها كل الناس تروحله عشان امضاء على ورقة صماء تخلص أمور كتيره فيه منهم اللى بيقبل رشوة و فيه الطيب الغلبان دة موظف مصري عدمان. عارفين  الفلاح حقه في بلده مهدور لا ميه ولا نور و الصحة خلى الطايق مستور و التعليم مصابوش الدور من صباحية ربه بيسعي لـ رزقه بيحرث ارضه يروى زرعه يحصد محصوله . ده فلاح مصري شقيان . بس الصنايعى فيه السباك و الحداد و النجار و الكهربائي و المحار و العتال والشيال و الميكانيكى و غيرهم كتير شقيانين و بقليله راضيين. تعالو بقا على المهندس اللى درسه فى كليته غير الشغل في موقع عمله هقول ايه ولا ايه ع المهندسين اللى طالع عينيهم ف شغلهم . ده مهندس مصري زهقان.

لاحظتو معايا حاجة غريبة المصري ده نفسه في ايه ؟؟؟؟؟؟؟؟؟ نفسه يعيش في عزة و كرامة. نفسه ينام ليله رابح عشان كدة بيسعي للقمة عيشه بكل كد و تعب من غير راحة ولا رست كل ده عشان ينول رضي الست ( مصر ) .
                           فكرة / هيثم صلاح
                            تنفيذ / عمرو عمارة ( فرانكو )

عـريـس

الواحد مننا ياخويا انت و هو يلاقى الام بتقول لـ بنتها : أنتى مش ناوية تتجوزى ولا ناوية تفضلي عانس كدة يا بت. البت تقول لـ أمها : هما اللى أتجوزو عملوا إيه بالجواز يا ماما غير حرقة دم و خلفة و مواويل كتيرة ترفع الضغط .الام تزعق فـ بنتها و تقولها : ما أنتى هتتجوزى يعنى هتتجوزى ولا أحنا مخلفينك ليه عشان تبلطى عندنا في البيت . الت بتقول فـ انكسار : يا ماما أنا مش هتجوز غصب عنى مش لوى دراع هوه ايموشن دمعتين نازلين من العين بس كده وكده. الام بـ حنيه تقول : يابت يا موكوسة انا عاوزة افرح بيكى و بـ عيالك قبل ما أموت أفهمى بقا . البت فـ أستسلام غريب : حاضر يا ماما اللى تشوفيه .الام : ايوة كدة يا حبيبتشي انتى كدة بنتى اللى ربتها . ومن ساعتها الام بتغنى لـ بنتها :

البنت دى بنتى مربياها طول عمرها .. البنت دى بنتى في المطبخ من صغرها... طول عمرى بدعيلها بـعريس يجي يشيلها ...

البت تغنى لـ أمها :

ست الحبايب يا حبيبة يا حبيبة ... يا حنينة و كلك طيبه يارب يخليكى يا أمى.

وتعدى الايام و البت لسه متجوزتش و الام بدأت تتوغوش على بنتها و قطر الجواز يفوتها و تعنس فـ قالت طب ما اغير الاغنية يمكن العيب فيها ولا حاجة و قالت :

البت دى مزة مش زى التانية جثه .. دى فـ المطبخ لهلوبة مش التانية أنبوبة ... دى ريحتها زى الفل مش التانية ريحتها خل.

الأم تستنى في العريس يجي و تستنى و تستنى و فـ الاخر ميجيش الأم قالت مش ولابد بقا وقالت:

جوزوهاااا شكرا عشان ملطمش عفوا ... خلصونى منها عشان مجبش أجلها ... عريس يجى يخودها عشان متروحش للى خالقها ...

جيبو لـ بنتى عريس انشالله لو عتريس المهم يكون معاه شبكة في كيس ... ها و جابولها عريس أبدا يا بنى اهى جنبي زى الفطيس.

ثـــــــــــــــــورة جيــــــــــــاع

ثورة جياع ؟؟ دى ثورة على البخت اللى ضاع  ثورة وإشكرى يا انشراااح         ثورة شعب. ساستهم غايبة همهم في الكراسى دى كراسى سلطه بلزقه ن*** تعيب شريفها وترفع سارقها. 
يا شعب قام بـثورة تريد عيش حرية عداله اجتماعية : عيش ده محدش لقيه ولو لقاه مش هيعيش & حريه لا مؤخذة يا عنيا دى تبقا خالتك & عداله اجتماعية هوووبا الحق الميزان اختل وعيشتنا بقت خل في خل.  
ياشعب جاع رزقه ضاع . كان شعاره لقمة هنيه تكفي ميه .. دلوقتى مفيش لقمة ولو                                 فيه مش هتكفي ميه ولا حتى هنيه . 
يا شعب ساسته مغيبين عن أقتصاده منفضيين حتى رئيسه رد أنت يا حسين .شوية ساسة صغننيين ب بلد كبيرة متحكميين وفي البرامج متشيكيين و قبل كدة معفنيين مش بتوع النستووو والله دول معفنيين خلقه اصلا.
 ياشعب جاع وحلمه ضاع وآماله راح رااااح رااااااااح كل حاجة بقت في الضيااااع .
يا شعب حاكمه قطيع بفروه. هتقومو بـثوره ولا مقاطعه؟؟

يا شعب انت ناوي على ايه ؟؟؟ ثورة تانى من جديد على اللى خلى عيشتك حديد في حديد ولا هتسكت و تنام على اللى خلى حياتك أوهام !!!

يا شعب شبابك ناوى على ثورة . ثورة تصحيح اللى فات و التعلب فات فات و باقيله سبع لفات ( التعلب=الجماعه) .

اللهم انصر ثورتنا و قوى وحدتنا واجعلنا المنتصرين على المتأسلمين ... آمــــــــــــين

                                           فكرة/ هيثم صلاح

                                          تنفيذ/ عمرو عمارة ( فرانكو )

حـــكــاوى قـطـار

جت في بالى فكرة .... أنى أركب القطار مرة  .... سمعت كتير عن حكاويه .... فقررت أنى أعيش يوم فيه .... و من هنا تبدأ حكاوينا .. : حكاوي القطار .

تعالو عيشو معايا رحلتى في القطار كانت رحلة شيقة و ممتعه جدا جدا و عرفت فيها كتير و ناس كتيرة .....

هنبدأ يومنا من بداية وجودى على الرصيف و مستنى القطار اللى هيوصل ع الساعة 1:50 .

كنت واقف في حالى لا بيا و لا عليا و ببص في ساعتى بشوف الساعة كام عشان القطار أتأخر على معادة لقيت واحدة ست كبيرة في السن

بتقولى : ونبي يا بنى هو القطر جه و لا لسه .. فقولتلها : لسه مجاش يا حجة .. قالتلى : هو ديما بيعملها كدة على طول ديما متأخر على معاده كدة .... قولتلها : انتى يا حجة اصلا جاية متأخر أحمدى ربنا أنه متأخر اصلا .. قالت : آه ونبي يابنى على رأيك يارب يتأخر كدة على طول عشان الحقه ... الست سبتنى و مشيت و انا قولت في سيري سبحان مغير الاحوال!!!

و بعد نص ساعة بحالها !! القطر جه و حالة هرج و مرج بين الناس ... اللى يقول الحق اركب بسرعة و اللى يقول احجزلى جنبك ياباشا و اللى يقول انزلو بسرعة عاوزين نركب و اللى و اللى ... إلخ

الحمدلله أنا ركبت طبعا و لحقت مكان ليا اصله كان زحمه جدا جدا . و حظى بقا قعدت جنب أمين شرطة و عريف في الجيش . و القطر اتحرك و ناس رايحة وناس جاية بيدورو على أماكن و في وسط الزحمة دى تسمع صوت عالى بيقول : حاجة ساقعة بيبس !! أها ده أكيد الراجل اللى بيبيع البيبسي و تسمع اللى بيقول : أّذأذ يابيه واشتري لب تسلى نفسك في الطريق.

و مرة واحدة تفاجئ بصوت بيقولك : تذاكر تذاكر .. تذكرتك يا بيه طبعا ده الكمسري اللى بيصحيك من أحلى نومه مفرق الاحلام J .

و بعد فترة يبدأ الكلام بينى و بين اللى معايا و كل الكلام على مصر و الاخوان و نظام البلد.

بس الاتنين اتفقو على ان الاخوان هيودوا البلد في داهية و قالو كلام مقدرش اقوله طبعا.

في القطر ده بيمر على الواحد ناس كتيرة اشكال و الوان ناس نازلة وناس طالعه .. اللى بيشتغل في الجيش واللى متطوع في البحرية و اللى باقي ليه اشهر بسيطة و يخرج من الجيش و الموظف اللى مروح بيته بعد عناء الشغل و الطالب و الطالبة اللى مروحين بيتهم بعد يوم من الدراسة و اللى بيبيع لب و بيبسي و بسكويت و ساندوتشات و كتب  و مصاحف و اساتيك و غلاف البطاقات و الشاي و غيره كتير .. إلخ و اللى رايح شغله الفترة المسائية ناس كتير كتير عالم تانى بتعيشه ف القطر.

و طبعا كل كرسين في وش بعض بيتكلموا في موضوع معين هتلاقي : اللى بيتكلم في السياسة و خلط الدين بالسياسة و ظلم الاخوان و اللى بيدافع عنهم . واللى بيشكى حالته المادية وانه عاوز يجهز بنته اللى ع وش جواز و اللى بيدور ع شغل و مش لاقي و اللى بيتكلم عن شغله اللى تعبه و مديره اللى مزهقه في عيشته و تلاقي ناس تانية تضحك و بتهزر و بتقول نكت و تلاقي و تلاقي و تلاقي و تلاقي ... الخ

و بعد مشوار طويل القطر وصل محطته الاخيرة و كل الناس بدأت تنزل و استفدت حاجة واحدة من الرحلة دى :

أن الواحد مش عايش في الدنيا لوحده في غيرنا كتير عايشين معانا و كل حد فينا فيه علة ... محدش يفتكر ان الدنيا دى ليه لواحدة ولازم نعمل حسابهم معانا .