عـم ضـمـيـر

يـوم ورا يـوم نـسـأل و نـدور عـلـى عـم ضـمـيـر أصـلـه أخـتـفـي مـن عـلـى الـشاشة و فـجـأة عـرفـنا أن عـم ضـمـيـر فـي أجـازة .. عـايـش  حـيـاتـه آخـر لـذاذة.و داخـلنـا فـى عـنـق الأزازة .بـس الـنـاس زهـقـت مـن كـتـر الـتـبـريـر  قـامـو نـازلـيـن فـي  الـتحـريـر.و هـتـافهـم  يـسـقـط يـسـقـط عـديـمـى الـضمـيـر. عـم ضـمـيـر نـايـم نـعـسان مـعرفش ان الـناس فـاقت من الـتوهـان .و مـطـالبهم عـيـش حـريـة عـدالة أجـتماعـية ... عـم ضـمير فـهـم مـتـأخـر  بس الـناس مطالبهم كـترت أكـتر و أكـتر..و مـن ضـمـنـها يـتـنـحى الـفرعـون الاكـبـر.... و اخـيرا أتـنـحى الاكـبـر الـمـتـخـفي فـي هـيئة عـم ضـمـير. 
و بـعـد مرور ايـام كتيرة كدهون ... فجأة لـقـينا :  
 عـم ضـمـيـر ركـب لـحـيـة .. و هـوب دمـاغـة جـت عـلـى نـاحيـة..و الـوشوش مـبـقـتش مـسـتحـية و كـبـيرهم راجـل فـاشـية. بـس 
لـلأسـف عـمـل فـيـها سـيـدنا الـشـيخ  يـؤمـر يـنـهـى كـأنـنا فـي شـادر بـطـيـخ
و فـي يـوم و لـيلة :

.عـم ضـمـيـر حـب يـبقـي رئـيـس قـام رشـح نـفـسه بـدل الـتـيـس و كـسـبـها بـ عـصـر اللـمون أمـا الـتانى كـان مـجـنـون.
عـم ضـمـير راح عـلـى الـقـبـة و عـجـبه الـكـرسي قـالـنا كُـبة.. وهـناك قـال قـوانين  ايموشن آه يـا واد يـا تـنــين. 
و فـي يـوم مـعـجـبناش حـاله نـزلنا  قـولنـا ايـه اللى جـراله جـت جـماعـته قـالتـلنا مالـكم و مـاله ده رئـيـس جـاي بالـشرعـية و أنـتو شـوية بـلـطـجـية .  
عـم ضـمـيـر  مـسـك سـيـجـار ... كـان فـاكـر الـدنـيـا زى الـخـيـار ....بـس طـلعـت الـمـعادلـة صـعـبة و قـالـولـه أخـتـار ...قـالهم ايـه الـخيـار ....قـالـولـه : تـركـب لـحيـة أو تـمـسـك سـيجـار ولا تـبـقي مـن الـثوار؟؟؟؟

لـو أنتو مكان عم ضمير هتختارو ايه اللحية ولا السيجار ؟؟؟ مظنش ولا اختيار ...انا عارف ردكم هتقولو احنا الشعب لينا حرية  القرار لا لحية ولا سيجار ثـوار أحـرار هـنـكمل الـمـشـوار 
 و مـن مـوقعى هـذا أحب أقـول ل عم ضـمـير أبـو لـحـية : سـيبنا فـى حـالنـا خـلينـا نـجـرى عـلـى لـقـمة عـيـشـنا و مـالـنا :( :(!!! 

تعدى الاخوان

نهاردة كان عندنا سلسلة بشرية لرفض الدستور

وقفنا حوالى ساعة ونص بمنتهى السلمية والادب والاحترام

قامت مجموعة من الفتيات المنتميات لجماعة الاخوان المسلمين بالتعرض بالسب للشباب والبنات فى حزب الدستور وحزب مصر القوية واتهامات بالخيانة والعمالة وقلب نظام الحكم وما الى ذلك

قمت بالتوجهه لهن كى اتحدث معهن بمنتهى الادب فبدأت بتعريف نفسى لهم فقالت احداهن ااااه يعنى تبع البرادعى الخاين

قولتلها مش موضوعنا كلمينى فى الدستور اللى انا برفضه وحضرتك موافقه عليه

فبدأت اولا باتهامنا اننا كاتبين مواد خطأ واخرجت من شنطتها نسخة من الدستور

كانت تقرأ هى المادة وانا اوضح سبب الاعتراض عليها

بمجرد ان انتهينا قالتلى سيبك من الدستور وكلمنى عن البرادعى قولتلها ارجعى لتاريخ الجمعية الوطنية وشوفى شهاداتكوا فيه ورأيكوا فيه كان ايه

فبدأت فى السباب وتوجيهه الاتهامات وانصرفت

واكملنا نحن مهمتنا وبعدها بحوالى نص ساعة فوجئنابمسيرة للاخوان المسلمين متجهه نحونا فقمنا بالتنبيه على جميع الاعضاء ان يلتزموا الادب وضبط النفس حتى اخر انفاسهم

بعدما اصبحت المسيرة فى مواجهتنا مباشرة ويفصل بيننا الرصيف الفاصل للطريقةقام اعضاء الاخوان باعتلاء الرصيف وتوجيهه اللافتات والبانرات نحونا وتوجيهها هتافاتهم لنا فقام الشباب من عندنا بالهتاف المضاد الرافض للدستور

فوجئنا جميعا بالعديد منهم بدأوا يتجهوا نحونا مخترقين صفوفنا والهتاف من قلب التجمع الخاص بينا مما دفعنا للتوجهه بكل حكمة للمسئول عنهم وهو المهندس عبدالله امرالله والذى كان يتقدم المسيرة فقال لى بالحرف لا ازاى عيب هروح ارجعهم تانى

اثناء حديثى معه قام احد الشباب بتهددى وتوعدنى وقال لى نصا انتوا قتلتوا اخواتنا فى الاتحادية ومش هنسيبكوا ولمحت فى يده مطواه قرن غزال فتركته وغادرت منصرفا كى لايحدث اشتباكات

وتوجهت للجانب الاخر فوجئت بالمهندس عبدالله امرالله يسب احد الشباب وهو احمدعثمان وقال له لفظا انتوا شباب مش محترم وقليل الادب وقام احد شباب الاخوان بدفع احمد عثمان فأسرعنا بالامساك بأحمد عثمان حتى نتفادى حدوث مشكلة

كما قام احد شباب الاخوان ايضا بتوعد احد شبابنا وهو محمود الدماسى وقال له مش هنسيبك 

على الفور توجهنا الى قسم شرطة ابوكبير وحررنا المحضر رقم 8575 لسنة 2012

الردح من حق الزوج

بقولكو إيه أنا هرغي في موضوع بيحصل في كل بيت بين زوج و زوجة.

الزوج جاى بقا من الشغل تعبان و هلكان و طالع عين اللى خلفوه و دخل بيته و بيزعق أنتى يا ست البيت فين أكل جوزك يا هانم انا جعان عاوز آكل.الزوجة بقا معلش يا حبيبي معملتش أكل أصل انا بتفرج على فاطمة .يروح الزوج قايلها فاطمة مين يا واليه أنا عاوز اتغدى بيتك أولى بيكى يا أم شعر محنى .الزوجة تقوله وماله يا راجلى شوف التلاجة فيها أيه يتاكل و أتغدى بالشفا و سبنى بقا اركز في المسلسل متعطلنيش .الزوج وشه يحمر و يتنرفز و راح قايلها آه يا أختى اقلب القدره على فُمها تطلع البت لـ أمها. الزوجة بتتحول ايموشن بتسن لسانها بص يا عنيا قليل الاصل لا تعاتبه ولا تلوموا دة زى البقعة اللى لا تطلع برابسو ولا بأومو . الزوج دماغه شاطت قعدالى يا فالحة تتفرجى على فاطمة لا أنتى حصلتى ست بيت شاطرة ولا جيتى في ربع جمال فاطمة . فاطمة هئ هئ سلامات يا جوزى قال يعنى متجوزة كريم قال يعنى قعاد الخزانة ولا جوازة الندامة.

جوزاة الندمة و اتجوزتينى ليه تصدقي على ايه اتجوزك لا أنتى حلوة وبعشقك ولا حتى غنية وأسرقك .الزوجة قال يعنى بتصرف عليا و مستتنى ده انا لو ناوية أصرف من كيسي ما قبلتك عريسي.الزوج هو انتى طايلة اصلا  دة أنتى عاملة زى  القرعة تتباهى بشعر بنت أختها .قرعه و بنت أختها اسمالله عليك أنت يابو شعر مسبسب لا تصاحب الأقرع ولا تاخد منه نصيحه لو ربنا بيحبه كان خلاها له صحيحة. و بعد فترة طويلة من الردح الزوجى الراجل سبلها البيت و راح لصحابه . ومن هنا أقدر أقولكم ان الحوار الزوجى الرومانسي اللى فات أيموشن بيكدب يتقال عليه حيوان برى أنقرض من سبعة الاف سنة من قبل الفراعنة ما يجو حتى بس نعمل أيه أصلها تربية.

بـلـطـجـيـة

بلطجية بلطجية بلطجية تقابل أي خروف يووووة اقصد أى أخوانى و تقولو ايه اللى بيحصل ده يقولك يا عم دول كفرة فلول ناس مندسة دووول ناس بلطجية ياباااا أنت بتقول ايــــــــــــــــه!!! و لو فكرت بس انك تحاول تعارضهم يقولو عليك انت كااااااااااااااااااااافر !!!! كااافر ايموشن يا نداشتى و محدش يقولى كدهون انى كافر أخيــــــــــــه . نرجع بقا للاحداث من الاول ونشوف ايه حوار البطلجية دول الوحشين ناس كخة كدة. صحينا الصبح اه والله لقينا الاخ مرسي بيقولنا شعبي الحبيب الصبور المهاود قرار ديكتاتورى اعلان دستورى مش دستورنا يعنى ولا دستور ياسيدنا انا بحصن نفسي من اي حاجة اعملها واللى هيغزنى الدستور بيحصنى معايا الشفرة و محاولات موت كتير هيييييييييييييييييييح. هوبا بقا الخرفان نزلو و نحن نؤيد قرار مرسي و ثوار احرار هنكمل المشوار بس الحقيقة ( إخوان أخرار هننفخ الثوار ) يقوم ايه بقا الثوار مش عاجبهم دستوره قامت بقا مظاهرات والتحرير بقا مليان و هتافات يسقط يسقط حكم الخروف و حاجات كتيرة . الخرفان تسكت لا طبعا لازم تمأمأ راحو عاملين مظاهرات عند الاتحادية نؤيد قرارات الرئيس و هما اصلا مش فاهمين و يخرج بقا الراس الكبيرة مرساهم و يخطب خطبة عظيمه و هما يقولو الله أكبر. أما أحنا بقا نسمع خطابه نستعجب مرة يقولك الناس المستغطية هكشف عليكم الغطى افرض قالعين يا أخى تكسفهم كدة و مرة يقولك اللى ف الحارة المزنوقة ال 56734 بيعملو حاجة غلط هو ده رقم دليفري يا رايس. المهم ما علينا مظاهرات المعارضة بقت جامدة والخرفان بدأو يتربعو مننا ف قالو بقا هنعمل مظاهرة حاشدة عند حديقة الحيوان عشان يكونو جنب رفاقئهم ف الجونينة و أعداد كتيرررررررررررره يجى خمناشر مليون كدة بس الحقيقة ده ميستوعبش اكتر من 50 الف ؟؟؟؟ ما علينا أنا رغيت كتير ايه رايكم ابطل ؟؟؟؟ أه ... طيب هكمل خلاص . هطنش اللى حصل ف المظاهرة بتاعت الشرعية والشريعة لانها كوميديا اصلا.نروح للثوار او البلطجية دماغهم كبرت و قربت تفرقع وقالو يالابينا على مين يعادينا وعلى الاتحادية ياعم الحج .روحنا هناك ومحصلش احداث عنف سبحان الله رغم اننا بلطجية بس طلعنا سلميين اه والله . تقوم جماعة الحيوان تعقد جلسه طارئة عشان البلطجية اللى عند مرساهم و قالو مفيهاش بقا احنا نحشد ونجمع الخرفان بتاعتنا و نروح للبلطجية دول بس بكرة بقا نكون ملينة بطننا .وفي الليلة ده البوب الكبير برادعينا فرحان و مزقطط ويقول ل نفسه هو انا لما نزلت الشارع عملت كل ده يارتنى كنت نزلت ما تويت .و بعدين شوية ثوار صغنتتين قالو هنعتصم و عملو خيم كدة متجيش 8 خيم و قضو ليلتهم ع حبيبات فول و جبنة نيستون و ركزو ع النيستو ده ونبي بتعمل حاجات مش لطيفة .النهار طلع والضهر عدى و جينا للعصر لقينا الخرفان طالعين من الجامع و بيهرولو زى ما يكون ف الصفا و المروة و دخلو ع الخيم هتتك بتتك و اللى يقابلهم اوعى ياض هشرحك بس شهادة لله مجوش ناحية الرجالة هم تخصص سيدات زى الميكروباصات كدة سيدات سيدات رجالة لا يا بيه .بدأ الخرفان ف نهش ف بقايا الخيم اللى يطلعلك جعه جولد شويبس و يقول عليها خمرة معلش يا جماعة ده معذور اخره بيبس كولا ام جنية ونص و اللى يقولك الكفرة المعفنين جبنة نيستون يا معفنين مش قولتلكم من شوية ركزو ف النيستون اهى طلعت مخدارات حاسبو لتتمسكو تحري وهى معاكو اصلها ماشية على حل طعمها . وهنا بقا حصل احداث عنف رهيبة الاخوان يهاجمون و يضربون ويعتقلون و يعذبون مين بقا الثوار اللى هما بلطجية و احنا نقولهم سلمية سلمية هما يقوللنا سلمية اغتصبنها و الدور ع حرية .ويطلعلك اعضاء جماعة الخرفان واحد عريان والتانى نعجة دوللى اقصد البلتاجى و غزلان بيقولو البطجية بيعتدو ع الخرفان السلميين !!! ايموشن مش لاقي للكلام ده ايموشن. نهاية الموضوع قالو علينا بلطجية عند الاتحادية ضد التأسيسية ضد الشرعية ضد الدستورية بس هما مش فاهمين اننا ضد الديكتاتورية نبحث عن حرية في زمن إخوانجية .... الكفاح مستمر بلطجية احرار هنكمل المشوار .

     

         

حبيبتى أميرة جميلة

حبيبتى هى أجمل أميرة رأتها عينى حتى لو رفضت حبى لها .

فهى الوحيدة آلتى أسرت قلبى رغم بعدها فعشقى لها أبدى يا ملهمتى .سأكتب شعرى لها حتى وان لم تقراءة.وأعزف لها لحنى حتى وان لم تسمعه.

فطيفها يزورنى ليلا ويفوح عطرها فى أرجاء غرفتى وأغمض عيناى لآراها فى حلمى و أنصت لـصوت ضحكاتها فتطرب له إذنى وأنظرإلى عيناها كـ لؤلؤتين لامعتين و شعرها الذهبى مسترسل وراء ظهرها يحكى آلاف القصائد فى الشعر والغزل. 

فهى حبيبتى كما رأيتها أول مرة بدرٌفي ليل كماله تراقصت له جميع النجمات.

فصوتها فيروزٌ فى ليلة. فهى أول رشفه من فنجان قهوتى فى صباح شتاء ممطر رعيد كـ رجفه أول لمسه أيد كـ أول موعد لرؤية حبيب .

صافيه هى كـ الخلجان .. عفويه هى كـ الصبيان 

متمردة كـ البركان .. وقويه كـ الفيضان 

هى ليست كـ الاخريات ،، هى سابقه لكل زمان وعريقه كـ الحضارات 

هى ليست بسلطانه ولا أميرة الأميرات 

ساحرة هى كـ الحوريات

صادقه هى كقطرات حبر تدون حكايات صبايا فى أوراق مذكرات .. لو ان راها نذار لتوصل لكمال الشعر فى المرأة ولكن نزار قد مات .. 

ساحرة هى كصعيد مصر وحضارة روما وروعة باريس 

شامخه كبروج نيويورك مجنونه كرقصات السالسا فى البرازيل نقيه كقطرة ندى لم تلمس خد الأزهار بعد 

ابتسامتها ك إشراقه شمسى فى الصباح 

أنفاسها أطيب من نسمه ربيع باردة .. تحرك أوراق الشجرات وتداعب شعر الصبايات .. 

صوت ضحكتها كضحكه طفل لرؤيته طيران الفراشات .. 

مازالت هى حبيبتى آلتى لم توفيها العبارات .. ستظل رغم البعد هى زهرة العمر وريعان الشباب هى براءة الطفوله وحكمه الكهولة 

هى أميرتى الساحرة والمتمردة سرى العلنى

بسمه قلبى ودعااااء السجدات

عيوب الدستور من وجهة نظرى

‎1- لا يوجد فى المسوده ما ينص على تعيين نائب للرئيس و قد كان م طلب ثورى . 2- مسموح لمزدوجى الجنسيه الترشح للرئاسة مادة (136) .
3- من حق الرئيس تعيين كل رؤساء الاجهزة الرقابية والتى من واجبها الرقابه على أعمال الحكومه والرئيس مادة (204) . 4- له حصانه برلمانية مدى الحياة لعضويته فى مجلس الشيوخ ولا توجد طريقه لمحاكمته الا التلبس مادة (130) .
5- من حق الرئيس تعيين الضباط العسكريين وعزلهم دون وضع قيد .
6- يكلف الرئيس رئيس الوزراء تشكيل الوزارة دون وضع معايير لأختيار رئيس الوزراء .
7- من حق الرئيس أعلان حالة الطوارئ بعد موافقة مجلس الوزراء ثم يعرض علي البرلمان وليس العكس .
8- من حق الرئيس حل مجلس الشعب فى حالة أعتراض البرلمان على تشكيل الحكومة مرتين متتاليتين دون قيود .
9- تدرج جميع نفقات رئاسة الجمهوريه والأجهزة الرقابية التابعه لها للميزانية العامه للدولة وتخضع لرقابة الجهاز المركزى للمحاسبات التابع للرئاسة وهو جهاز للإحصاء فقط وليس للمحاسبة .
10- يعين الرئيس ١/٤ أعضاء مجلس الشيوخ والذى من صلاحياته امكانية الاعتراض وتعطيل إى قانون صادر عن مجلس الشعب .
11- حق الرئيس ان يختار قضاة المحكمه الدستوريه المسئوله عن محاسبة الرئيس شخصياً والحكومة والبرلمان عن عدم دستورية إى
قانون يتم اصداره .
12- لا ذكر لأستقلال الهيئات القضائية أوالطب الشرعى وقد كان مطلب شعبى .
13- تقليص دور الجهاز المركزى للمحاسبات لمراقبة الأموال العامه فقط وليس الخاصة وتلك كارثة مادة (206) .
14- إلغاء الأشراف القضائى الكامل على الأنتخابات وإسنادها إلى مفوضيه مع عدم وجود معايير لأختيار أعضاء المفوضيه مادة (210) .
15- الأقتراع والفرز سيقوم به تابعون للمفوضية ولا توجد آليات محدده لإختيار هؤلاء التابعون ولا تحديد من يقوم بالأختيار .
16- لم يتم ذكر من يعين محافظ البنك المركزى ولم ينص على تقديم تقرير العمل لمجلس النواب .
17- لا يجوز تغيير مواد الدستور قبل عشر سنوات مادة (220) .
18- تم الغاء ماده حظر بيع اراضى سيناء
19- تم الغاء ماده حظر تاجير قناه السويس
20- تم الغاء ماده حظر زواج الاطفال